اسليدرالأدب و الأدباء

تسلمى

شعر : عبد الهادي الشعراوي
…………….
ياللى دايب فيكى دوب
ياللى جمعت القلوب
تسلمى يا أغلى درة
عن حبك
ما اقدرش أتوب
*
لونى من سمار عينيكى
كل عمرى وهبته ليكى
مهما مال الحال عليكى
عن حبك
ما اقدرش أتوب
*
تسلمى من كل عادى
ياللى عاشقينك ولادى
مهما رحت بعيد هنادى
عن حبك
ما اقدرش أتوب
*
إنت الدفا وإنت الأمان
وانت شريان الحنان
مهما فرقنا الزمان
عن حبك
ما اقدرش أتوب
*
دا الحياة الحلوة انت
والزهور والغنوة انت
قلبى عاشقك مهما كنت
عن حبك
ما اقدرش أتوب

رئيس التحرير

المشرف العام على موقع العالم الحر

اترك رد

زر الذهاب إلى الأعلى
إغلاق

انت تستخدم حاجب الاعلانات

يرجي غلق حاجب الاعلانات للاستمرار فى تصفح الجريدة